கிராமமெங்கும் கல்வி வளர்ந்தது

இது, மாணவர்களது கல்வி பாதையில் தடையாய் நின்றதனால், அவர்கள் எழுத்தாணியை விடுத்து ஏர்கலப்பைகளை சுமந்து வேலை செய்யத் தொடங்கினர். பெண் குழந்தைகள் பலருக்கும், கல்விக்கான வாய்ப்பு மறுக்கப்பட்டு, கணவன் வீடுகளுக்கு வழியனுப்பி வைக்கப்பட்டனர்.

இதனால், கிராமங்களில் உள்ள கல்வி கட்டமைப்பை மேம்படுத்த வேண்டிய அவசியத்தை உணர்ந்திருந்த ஒட்டன்சத்திரம் சட்டமன்ற உறுப்பினர் அர.சக்கரபாணி, கொக்கரக்கல்வலசு, கூத்தம்பூண்டி, கரியாம்பட்டி, பூலாம்பட்டி, சாமிநாதபுரம், பொருளூர், தொப்பம்பட்டி, கணக்கன்பட்டி, இடையகோட்டை, புளியமரத்துக்கோட்டை, மஞ்சநாயக்கன்பட்டி, தாளையூத்து, காவேரியம்மாபட்டி, மார்க்கம்பட்டி, ஓடைப்பட்டி, சத்திரப்பட்டி, பெரியகோட்டை, பரப்பலாறு உள்ளிட்ட பல்வேறு கிராமங்களில் இருக்கும் 30 க்கும் அதிகமான அரசுப் பள்ளிகளை தரம் உயர்த்தியுள்ளார். அதன் பயனாக, கொக்கரக்கல்வலசு அரசுப் பள்ளி உள்ளிட்ட பல பள்ளிகளில், 12 ம் வகுப்பு வரை மாணவ-மாணவியர் அந்தந்த கிராமங்களிலேயே படிக்கின்றனர். 

மேலும், மாணவ-மாணவியரின் வசதிக்காக சட்டமன்ற உறுப்பினர் தொகுதி வளர்ச்சி நிதி, நபார்டு வங்கி மூலம் பெறப்பட்ட நிதி போன்றவற்றைக் கொண்டு, புதிய வகுப்பறை கட்டிடங்கள், கழிப்பறை கட்டிடங்கள், ஆய்வுக்கூடங்கள், அங்கன்வாடி கட்டிடங்கள், சத்துணவு மையங்கள் உள்ளிட்ட பல கட்டிடங்கள், பல பள்ளிகளில் கட்டப்பட்டுள்ளன. இதனால், மாணவ-மாணவியரின் இடைநிற்றல் குறைந்ததோடு, பள்ளிகளில் சேர்க்கப்படும் மாணவர்களின் எண்ணிக்கையும் அதிகரித்து, மேற்படிப்புக்கு பல மாணவர்கள் முனைப்புடன் இணைந்துள்ளனர். இது பற்றி பேசிய கொக்கரக்கல்வலசு கிராமத்து அரசுப் பள்ளியின் ஆசிரியர், அந்த பள்ளியில் பயின்ற மாணவர் ஒருவர் மருத்துவர் ஆனதை நினைவு கூர்ந்து மகிழ்ந்தார். சாதிக்க காத்திருக்கும் இன்னும் ஏராளமான மாணவர்களுக்கு, வாய்ப்புப் படிக்கட்டுகளாக இந்த பள்ளியும், ஒட்டன்சத்திரத்தில் தரம் உயர்த்தப்பட்டுள்ள இன்னும் பல பள்ளிகளும் இருந்து வருகின்றன.