நகராட்சியின் தரம் உயர்ந்தது

ஒட்டன்சத்திரம் நகராட்சியில் அமைந்துள்ள சின்னக்குளத்தை 7 கோடி ரூபாய் மதிப்பில் தூர்வாரி, பூங்கா அமைக்க அனுமதி பெற்று தந்துள்ளார். மேலும், புதிய தீயணைப்பு நிலைய அலுவலகம் மற்றும் பணியாளர்கள் குடியிருப்பு அமைத்தது, 1.5 கோடி செலவில் நவீன எரிவாயு தகன மேடை அமைத்தது, புதிய விருந்தினர் மாளிகை கட்டியது உள்ளிட்ட பல்வேறு திட்டங்களை செயல்படுத்தியுள்ளார்.

மேலும், ரயில்வே கீழ் பாலம் அமைத்தது, கலையரங்கம் கட்டியது, அரசு கருவூலத்திற்கு புதிய கட்டிடம் கொண்டு வந்தது, வட்டாட்சியர் அலுவலகத்திற்கு புதிய கட்டிடம் கொண்டு வந்தது, புதிய கிராம நிர்வாக அலுவலகம் கட்டி கொடுத்தது, தாய்கோ வங்கி கொண்டு வந்தது என ஒட்டன்சத்திரம் நகராட்சிக்கு பல புதிய வசதிகளை ஏற்படுத்திக் கொடுத்துள்ளார்.  

அம்பிளிக்கை, வாகரை, கள்ளிமந்தையம் உள்ளிட்ட இன்னும் பல்வேறு பகுதிகளில் தேசியமயமாக்கப்பட்ட வங்கிகளைத் தொடங்கியது முதல், நகராட்சியில் முதன் முதலில் மகளிர் சுய உதவிக் குழுக்களை ஏற்படுத்தியது வரை, பல மக்கள் நலன் சார்ந்த திட்டங்களை செயல்படுத்தியுள்ளார். 

இதன்மூலம், வளர்ச்சிக்கான கட்டமைப்புகளை மக்கள் எளிதில் அணுகவும், அவற்றை பயன்படுத்தவும் முடிந்து வருகிறது.