சுகாதாரம் சுகம் தந்தது

ஒட்டன்சத்திரம் தொகுதிக்கு உட்பட்ட சுகாதார கட்டமைப்புகளை மேம்படுத்துவதன் மூலம், மக்களின் வாழ்க்கைத் தரத்தை உயர்த்திட முடியும் என உறுதியாக நம்பிய அர.சக்கரபாணி அவர்கள், கேதையுறம்பு, தேவத்தூர், வாகரை உள்ளிட்ட ஊராட்சிகளில் புதிய அரசு ஆரம்ப சுகாதார நிலையங்கள் கொண்டுவந்து, புதிய கட்டிடங்களையும் கட்டி தந்துள்ளார். பழனி கீரனூர், கள்ளிமந்தையம் அரசு ஆரம்ப சுகாதார நிலையங்களை, 30 படுக்கை வசதிகள் கொண்ட மருத்துவமனைகளாக தரம் உயர்த்தியுள்ளார். மருத்துவம் வேண்டி மக்கள் பல தொலைவு சென்று அவதியுறாமல் இருக்க, ஒட்டன்சத்திரம் அரசு ஆரம்ப சுகாதார நிலையத்தை, அரசு மருத்துவமனையாக தரம் உயர்த்தி, அதனை 2 கோடி செலவில் விரிவாக்கமும் செய்து மக்கள் பயன்பெற உதவினார். மேலும், கொ.கீரனூர் அரசு ஆரம்ப சுகாதார நிலையத்தை 30 படுக்கை வசதிகள் கொண்ட மருத்துவமனையாக தரம் உயர்த்தியுள்ளார்.